LED-nik sisamanik naneruuserlutit adventisiorit. Naneruutit Lisa Kreutzmannip nissiaqqanik qallortunik assiliartalersorsimavai. Naneruutit sisamat taakku nissiaqqanik Inngimik, Ukamik, Qupanummik Saaramillu paarnaqutinik ungalusimasunik assiliartaqarput. Nissiaqqat tamarmik Lisa Kreutzmannip Kangaatsiami ilaqutaanut, ikinngutaanit nunaqqataanillu isumassarsiaapput.
Naneruutit stearinimik sanaajupput qangalu naneruutitut qaammaaritsigalutik. Naneruutit tamarmik 7,5 x 12,5 cm-itut angitigaat batteriinillu AA-nik atortuligassaallutik – taakku poortukkami ilaanngillat.
